Novas da Consellería do Medio Rural e do Mar

5 abr 2015

Polas Fragas e levadas dos ríos Calvo e Deva. PR-G165

FM150328Cañiza215
A de hoxe presentábase como unha xornada festeira, pois tiñamos reservado para Suso unha serie de sorpresas, por isto de celebrar as súas 151 andainas coa USC, e que lle fomos dando ao longo do día… e comezamos ben cedo! Recibiunos o bus que nos leva por Galicia adiante ben engalanado de guirnaldas e cunha lenda no parabrisas que poñía Parabéns Suso CL. Creo que o home non daba crédito, e moito máis ao subir e achegarse ao seu asento habitual, cando o veu sementado de máis guirnaldas. Alí mesmo, entregámos lle unha camiseta que, pensamos, lle gustou moito… e sen máis, dando el a orde de marchar, fomos camiño da Cañiza, con moitas gañas de facer unha ruta moi interesante tanto a nivel natural como cultural.
  • Lonxitude: 15 km
  • Dificultade: media
  • Desnivel: medio
Así que fomos ata a comarca da Paradanta, no sur de Galicia e visitamos o concello da Cañiza, para percorrer un dos trazados doPR-G165, salientable pola variedade paisaxística que hai durante a ruta.
Despois de tomar o café de rigor e de apropiarnos de embutidos na Cañiza, desprazámonos ata a Ermida da Pena de Francia, para iniciar o percorrido. Desde aquí comezamos a subir pouco a pouco, sen moita dureza a pesares do desnivel que salvamos, que se verá compensado polas fermosas vistas que hai dende arriba, que nos deixa ver a néboa a medida que avanza a mañá.
Imos polo sendeiro histórico Camiño da Raíña, nome que lle ven dado como testemuño de ser a vía de tránsito da raíña dona Urraca cando viña de Castela ao mosteiro da Franqueira, e tamén para visitar as súas propiedades en terras galegas, como o Castelo de Sobroso. Este sendeiro foi vía principal de comunicación desde a Idade Media ademáis de converterse nunha importantísima vía comercial que servía de nexo entre os portos do Atlántico e as terras do interior.
E adentrámonos na fraga do río Calvo, un Espazo Natural de Interese Local, atravesada por numerosos nacentes e cursos de auga que alimentan o río e creando un microclima húmido de verdes ribeiras de liquens, musgos e fentos. Este tramo é moi fermoso, pois o sendeiro discorre case todo o tempo pola beira do río, coa primavera recén estreada dándonos uns verdes moi intensos e co son da auga acompañándonos en todo momento. Destaca un souto centenario cuns castiñeiros impresionantes.
A fraga do río Calvo é un auténtico tesouro pouco coñecido, no que é salientable o seu bo estado de conservación, a biodiversidade e a súa beleza, que lle dá certo aire máxico.
Deixamos atrás a fraga e imos polo Camiño de Defuntos, ata o Feirón, onde decidimos facer unha pausa para descansar e repoñer forzas. Quédanos unha segunda parte da ruta ben fermosa.
As fragas do río Deva, coas súas augas deixando sentir a súa presenza permanente neste tramo, son un espeso bosque de ribeira onde predomina o salgueiro e o ameneiro, salpicados con carballos e pradairos, de intensos verdes neste comezo primaveral. Sons de auga vanse alternando, dende a tranquilidade dos remansos ata a enerxía dos rápidos e fervenzas na viaxe cara ao ríoMiño, salpicadas de levadas (canles para abastecer de auga as zonas de cultivo ou os pastos) ou muiños, como o de Sampaio, que nos da conta da súa importancia en tempos pasados.
O camiño é un sube e baixa, no que salvamos importantes desniveis, anque de xeito bastante escalonado.
Comezamos a ver as primeras sobreiras, unha árbore pouco frecuente na actualidade en Galicia, polo que emociona atoparse con ducias de exemplares neste bosque. De feito, un pouco máis adiante, na última parte da ruta, atravesamos un sobreiral de más de 4 hectáreas, un espazo forestal peculiar en Galicia, pois os montes de sobreira foron reducindo a súa presenza no noso país, ata o punto de ser considerados raros, cada vez máis escasos e nunha situación de ameaza de desaparición.… camiñamos por unha auténtica marabilla!
E deixamos para o final a celebración das CL andainas de Suso na Cañiza, con licor café traído por Marga e unhas pastas que trouxemos do Convento de Belvís. Por certo, o debuxo que figura na caixa das pastas é un regalo que lle fixo Suso ás monxas, e que se laia por non telo asinado (quen lle ía dicir que o seu debuxo ía ser tan viaxeiro!

4 abr 2015

Las comunidades afectadas por los incendios urgen a la Xunta medidas de prevención

Algunas de las comunidades de montes afectadas por los incendios forestales de esta semana criticaron ayer "el abandono y despreocupación de la Xunta de Galicia con relación a los montes y el sector forestal en general" y pidieron políticas de prevención.

En un comunicado firmado por la comunidades de Xinzo, Ribadetea y Mos (afectadas por los fuegos) los comuneros muestran que "no entienden cómo es posible que se sigan aplicando durante décadas las mismas políticas, las mismas medidas, derrochando cada año dinero en apagar fuegos, y que los incendios sigan destruyendo los montes como sucedió esta semana en tres parroquias de Ponteareas."

Los directivos de las comunidades, que hace poco pusieron de manifiesto el malestar del sector con las políticas de la Xunta de Galicia, insisten en la necesidad de ejecutar medidas de prevención en colaboración con los propietarios y de incentivar las inversiones en los montes. "Solo se reducirán los incendios si las actividades ligadas a los montes son rentables y se aplican planes de prevención", manifestaron.

En una reunión celebrada en la noche del miércoles, después de hacer balance de los daños de los últimos incendios de Ponteareas, acordaron solicitar una reunión urgente con la conselleira de Medio Rural e do Mar para trasladarle la demanda de un giro radical en las políticas de la Xunta con relación a los montes. "Las Comunidades con montes ordenados reinvierten en sus propiedades más dinero del que sacan con la venta de madera, la Xunta lo sabe, pero no reciben ninguna compensación por los beneficios que entregan al conjunto de la sociedad por tener el monte cuidado", fue una de las conclusiones del encuentro y que trasladarán a la Consellería con el objetivo de concretar actuaciones de prevención, medidas que permitan simplificar la gestión y relación con la administración así como para mejorar la rentabilidad de los montes.

Las comunidades también mantendrán reuniones con los alcaldes de la zona para tratar sobre la gestión de los montes y la prevención de los incendios. Demandarán el apoyo de los ayuntamientos para las propuestas que le trasladarán a la Xunta de Galicia.

FARO DE VIGO

27 mar 2013

Cacelada la "andaina" organizad para el día 31 de marzo!!!

Lamentamos comunicaros que hemos cancelado la "andaina" organizada para el 31 de marzo. Debido a las lluvias de estos días los ríos que atraviesan la ruta están desbordados y los pasos intransitables. Dadas las previsiones esperaremos unos días antes de confirmar la nueva fecha para la "andaina". Sentimos las molestias y os agradecemos que nos ayudéis a difundir este mensaje.

14 mar 2013

Sendeiro das fragas e levadas do Calvo e Deva

Sendeiro das fragas e levadas do Calvo e Deva

A Parroquia de Parada de Achas, na Cañiza, inaugura o seu primeiro sendeiro federado, o PR –G 165, Sendeiro das Fragas e Levadas do Calvo e Deva.

O venres, día 8, no lugar de A Ponte, en Parada de Achas, A Cañiza, a Asociación de Veciños de Parada (Paradanta) e a Comunidade de Montes de Parada de Achas celebran o acto inaugural do Sendeiro das Fragas e Levadas do Calvo e Deva. 


Este sendeiro, cun recorrido circular de 18 Km. polo val de Parada, máis unha derivación de 6,2 km. pola serra, representa a culminación dun esforzo de 3 anos dos veciños de Parada. 

O sendeiro, de dificultade media, ten a peculiaridade de que no seu percorrido conduce ao camiñante por tres ecosistemas diferentes: as fragas do Calvo e do Deva, un bosque de sobreiras e un bosque de piñeiro silvestre típico de media montaña. Tres hábitats diferenciados nun mesmo percorrido. Ademais, para deseñalo, os veciños recuperaron vellos camiños xa en desuso, vellas corredoiras de pedra, pasando ao lado de antigos muíños e por históricas levadas... isto fíxose recorrendo aos máis maiores da parroquia para que indicaran esas vellas sendas. 

 Este proxecto, no que participou activamente unha parte moi importante dos veciños é unha maneira de dinamizar a parroquia de Parada de Achas, de grande riqueza paisaxística, e por extensión o Concello da Cañiza. 

 A Fraga do Calvo, Espazo Natural de Interese Local, con un souto centenario con árbores de formas sorprendentes, é unha zona case virxe e chea de lendas, con un delicado ecosistema onde habitan especies protexidas. A Fraga do Deva, e un bosque de ribeira, onde a auga nos pasea por levadas, poldras, muíños e fervenzas. O Sobreiral, un bosque atípico en Galicia, destaca pola súa extensión, máis de 4 hectáreas, e bo estado de conservación. 

 Entre outros espazos recuperados están o do antigo campo da feira da parroquia, O Feirón; o vello Camiño de Defuntos; o Camiño da Raíña... Ademais de destacar elementos patrimoniais e arquitectónicos como pazos, igrexas, petos de ánimas, canastros, muíños, corredoiras de pedra... 

 Os interesados en descubrir este sendeiro poden recabar información nas seguintes ligazóns: http://www.youtube.com/watch?v=PbBPeEZu7Es Facebook.com/pages/As-Fragas-e-Levadas-do-Calvo-e-Deva 

 FONTE: ELFORODIGITAL

4 abr 2012

A Xunta presenta na Mesa da Madeira o borrador da orde que regulará os cultivos enerxéticos forestais en Galicia

Santiago, 3 de abril de 2012.- A Xunta presentou esta mañá na Mesa da Madeira o borrador da Orde da Consellería do Medio Rural e do Mar pola que se regulan os cultivos enerxéticos forestais na Comunidade Autónoma e se crea o seu rexistro. Tamén se abordou nesta xuntanza o plan de control integral do Gorgullo do eucalipto.

Nesta xuntanza, presidida polo secretario xeral do Medio Rural e Montes, Tomás Fernández-Couto, deuse a coñecer este borrador co fin de analizar posturas e estudar posibles melloras. O obxectivo fundamental desta Orde non é outro que a regulación e o control da produción de cultivos enerxéticos forestais na nosa comunidade autónoma, tendo sempre presente que esta biomasa será producida expresamente con fins enerxéticos. Outros obxectivos que se perseguen son a diversificación enerxética, vantaxes ambientais e solucións aos problemas que conleva o cambio climático. Tamén beneficios socioeconómicos que contribúan de xeito palpable á mellora e modernización do tecido industrial, ao fomento do emprego e, en definitiva, ao desenvolvemento do rural galego.

Intimamente relacionado con este aproveitamento forestal atópase a prevención e defensa contra os incendios forestais. Neste senso, o control e retirada da biomasa vexetal con alto potencial combustible contribuirá a preservar as proximidades dos núcleos de poboación, conservar e restaurar a biodiversidade dos ecosistemas forestais e unha xestión sustentable dos nosos montes. Pero tamén se persegue unha diminución da dependencia enerxética exterior mediante o fomento e uso da biomasa como alternativa aos combustibles fósiles, o cal suporía un maior desenvolvemento e dinamización socioeconómica do medio rural galego.

Gorgullo do eucalipto
Nesta reunión tamén se abordou o plan de control integral do Gorgullo do eucalipto (Gonipterus scutellatus), levado a cabo pola Subdirección Xeral de Recursos Forestais. Nesta primavera, o departamento que dirixe Rosa Quintana incrementará nun 164% as soltas do parasito Anaphaes nitens -con respecto ao ano 2011- para reforzar a loita contra este insecto, que produce serias afeccións e que diminúen a capacidade madeireira do eucalipto.

A día de hoxe están xa colocadas unhas 1.600 bolsas das 4.500 programadas (máis do 30%) nun total de 1.002 puntos repartidos pola xeografía galega. Con estes datos estímase que se soltarán arredor de 1.250.000 individuos do parasito Anaphaes nitens. Ademais, a Xunta está a manter contactos coa Asociación Española de Fabricantes de Pasta, Papel e Cartón (Aspapel) co fin de incrementar o número de bolsas a colocar. 

O TEMPO NOS NOSOS MONTES: