Novas da Consellería do Medio Rural e do Mar

8 dic 2010

La Xunta deja sin una ayuda, por falta de presupuesto, a mil silvicultores

La Consellería do Medio Rural publicó ayer en el DOG la relación de peticionarios que se acogieron a la orden de ayudas al fomento de la silvicultura en bosque en el medio rural y cuyo expediente fue desestimado. La relación de desestimaciones supera en todo Galicia las 1.200. De estas un centenar y medio no se conceden por incumplimiento de obligaciones con la Seguridad Social, con la Agencia Estatal de Administración Tributaria o con la comunidad autónoma. El resto, más de un millar, no percibirán ayuda por «falta de disponibilidad presupuestaria». La Xunta baremó los expedientes y atendió solo hasta donde le llegó el presupuesto.

Nuevas convocatorias

Por otra parte, Medio Rural activó ayer, a través de varias órdenes publicadas en el DOG, las ayudas destinadas al fomento y desarrollo del sector equino y las destinadas al fomento de razas autóctonas y en peligro de extinción, en ambos casos regula las ayudas y establece la convocatoria para las solicitudes para el ejercicio 2011.

La Consellería también amplió el presupuesto destinado a las ayudas para mejorar la eficacia y la sustentabilidad de las explotaciones agrarias y para la incorporación de nuevos activos.

2 dic 2010

Medio Rural informará aos veciños de Salvaterra e As Neves sobre as medidas a tomar contra a praga do pino

Pontevedra, 01 de decembro de 2010.- O delegado territorial da Xunta en Pontevedra, José Manuel Cores Tourís, presidiu esta mañá unha reunión entre os responsables da Consellería de Medio Rural e os alcaldes de Salvaterra e As Neves, municipios afectados pola praga do nematodo do pino, unha praga á que se quere frear coa posta en marcha dun protocolo de actuación.

Precisamente este grupo de accións para erradicar a presenza deste nematodo na nosa comunidade autónoma é o que se vai explicar aos veciños destes dous municipios na reunión que os responsables da Xunta terán cos afectados o próximo venres día 10.

A este encontro estarán convidados os veciños que teñan nas súas propiedades piñeiros, cipreses ou abetos nas parroquias de Leirado, San Salvador e Meder de Salvaterra e Taboexa de As Neves. As reunións terán lugar ás sete na Casa da Cultura de Leirado de Salvaterra do Miño e as oito e media no centro cultural de Taboexa en As Neves

A maiores, a Consellería de Medio Rural tamén manterá un encontro este venres, día 2, na Delegación da Xunta en Pontevedra co sector da madeira para darlle traslado das medidas tomadas pola administración autonómica para frear a presenza do patóxeno e erradicalo de Galicia.

No encontro desta mañá os alcaldes de Salvaterra e As Neves foron informados da situación pola subdirectora xeral de Apoio ás Explotacións Agrarias, Patricia Ulloa, así como polos responsables da Xefatura Territorial de Medio Rural de Pontevedra.

Dende este departamento explicouse aos rexedores dos concellos onde se detectou o brote que as accións postas en marcha pola Xunta supuxeron o establecemento de dúas áreas de traballo, unha máis preto do punto no que apareceron os patóxenos e outra máis afastada de seguridade.

Deste xeito, a primeira das áreas suporá unha afectación dun quilómetro e medio arredor da área na que se localizou a praga e a segunda de 20 quilómetros.

Na primeira área faranse labores de erradicación e só poderán cortar os árbores os responsables da Consellería. Neste entorno veranse afectadas unhas 300 hectáreas de piñeiro. Na segunda área, denominada zona demarcada, todo o movemento de madeira estará baixo control "e neste punto necesitarase dun permiso especial da Xefatura Territorial de Medio Rural para poder facer os cortes das árbores", explicou Patricia Ulloa, "xa que a madeira seca debe ser destruída pero a verde aínda se pode utilizar sempre e cando sexa tratada e para iso están a levarse a cabo inspeccións nos aserraderos da zona para garantir que se conta co forno adecuado, xa que o parásito non pode sobrevivir á determinadas temperaturas".

A subdirectora xeral quixo lanzar unha mensaxe de tranquilidade aos responsables municipais, "xa que se está a traballar intensamente para erradicar esta praga e cremos que estamos a dar os pasos correctos neste senso. Non podemos esquecer que ésta é unha boa época climática para atallalo, xa que o insecto que trae consigo o nematodo non voa no tempo frío o que permitirá conter a praga". 

FUENTE: CONSELLERIA DO MEDIO RURAL

30 nov 2010

Medio Rural coordina co sector productor as actuacións de control e erradicación do nematodo do piñeiro

A Consellería do Medio Rural ven de reunirse esta mañá con representantes da Mesa da Madeira co fin de dar conta das actuacións que se están realizando dende a Xunta para o control e erradicación da praga do nematodo do piñeiro (Bursaphelenchus xylophilus) detectada no concello pontevedrés de As Neves.

A praga foi posta en coñecemento do sector que mostrou o seu apoio e colaboración para o tratamento da mesma. Dende a Consellería do Medio Rural estanse a desenvolver diversas medidas como a detección e declaración oficial do foco coa correspondente publicación no Diario Oficial de Galicia (o pasado 19 de novembro), a tala e queima das árbores en torno ao foco e a identificación catastral das parcelas nun radio de 1500 metros.

Na mesa, presidida polo director xeral de Montes, Tomás Fernández-Couto, e a que tamén asistiu o director xeral de Produción Agropecuaria, José Álvarez Robledo, e a directora xeral de Innovación e Industrias Agrarias e Forestais, Alejandra Álvarez de Mon, tamén se deu conta do inicio das visitas aos aserradeiros para control das existencias e a resolución do secretario xeral de Medio Rural, Jorge Atán Castro, instando á autoridade sanitaria a tomar todas as medidas necesarias.

Os representantes da Mesa da Madeira asistentes -Monte Industria, Cluster Madeira, Fearmaga, Asefoga, Organización Galega de C.M.V.M.C, Afrifoga, Silvanus, Asociación Forestal de Galicia, Serfoga, Asemfo-Galicia, Cis-Madeira, Frouma e Promagal/Promafe-, mostraron a súa conformidade e plena disposición para traballar conxuntamente na erradicación desta praga.

Polo momento a praga só afectou a un piñeiro, que xa foi talado. A madeira da zona está suxeita a limitación de movemento, de forma que só poida saír da zona con garantías de que se teña inactivado o nematodo mediante o tratamento térmico adecuado existente nalgunhas industrias da madeira.

Autoridade Sanitaria
Medio Rural tamén se reuniu onte, luns 29 de novembro, coa Autoridade Sanitaria Nacional, ente dependente do Ministerio de Medio Ambiente, Medio Rural y Marino, para informarlles do plan de actuación e garantir a súa aprobación. Facilitando deste xeito a xestión dun expediente de solidariedade tendente á financiación das actuacións, na que debe participar Madrid e Bruxelas.

A presenza do nematodo do piñeiro nunca ata o de agora se detectara en Galicia, pero xa dende hai mais de dez anos (dende que fora detectado en Portugal, en 1999) se realizan, por parte da Xunta, mostraxes anuais nas masas forestais de especies de Pinus spp, para comprobar o seu estado fitosanitario respecto á presenza deste axente.

A Xunta está a actuar con celeridade no control e erradicación do nematodo do piñeiro en Galicia

A Xunta está actuar coa máxima celeridade no control e erradicación do organismo de corentena Bursaphelenchus xylophilus (nematodo do piñeiro), causante de importantes perdas nas masas de piñeiros e outras especies sensibles.

O Diario Oficial de Galicia (DOG) publica hoxe unha resolución da Consellería do Medio Rural pola que se declara oficialmente a presenza deste axente no territorio da Comunidade Autónoma e se concretan diferentes medidas para a súa erradicación, que o Goberno Galego ven aplicando para frear esta praga.

A presenza do nematodo do piñeiro nunca ata o de agora se detectara en Galicia, pero xa dende hai tempo (dende que fora detectado en Portugal, en 1999) se realizan, por parte da Xunta, mostraxes anuais nas masas forestais de especies de Pinus spp, para comprobar o seu estado fitosanitario respecto á presenza deste axente.

Como froito da execución desta prospección, detectouse o nematodo nunha mostra procedente dun piñeiro sito no concello das Neves, en Pontevedra. En cumprimento da normativa, unha vez confirmado este positivo polo laboratorio nacional de referencia, foi comunicado ao Ministerio de Medio Ambiente y Medio Rural y Marino (MARM).

Actuacións
Con esta resolución, declárase contaminado o foco referenciado e establécense diferentes zonas arredor do mesmo, nas que se realizarán as actuacións precisas para a erradicación do nematodo, así como as prospeccións sistemáticas co fin de determinar o alcance da enfermidade e a adopción de tódalas medidas fitosanitarias previstas na normativa comunitaria.

Ademais, establécese que a Consellería do Medio Rural, en coordinación co MARM, elaborará un plan de acción para a erradicación do brote co menor perxuizo posible aos intereses económicos dos silvicultores e dos valores ambientais e paisaxísticos.

17 oct 2010

XORNADAS ABERTAS SOBRE A XESTIÓN SOSTIBLE E APROBEITAMENTO MULTIFUNCIONAL DOS MONTES VECIÑAIS EN MAN COMÚN DO CONDADO E PARADANTA (GDR-17)

Os días 22 e 23 de octubro, celebraránse unhas xornadas formativas no Centro Comarcal A Paradanta (A Cañiza). Tódalas persoas que estén interesadas, en recibir información ou inscribirse, que chamen o número de teléfono:

986 66 33 29 ou por e-mail condadoparadanta@gmail.com

Xornadas formativas dirixidas a comuneiros e ás xuntas directivas de montes veciñais en man común da comarca de Condado-Paradanta así como a público en xeral interesado na función social do monte e os seus aproveitamentos; estudantes de enxeñería forestal, bioloxía, medio ambiente; particulares ou membros de asociación gandeiras, micolóxicas, forestais.

O obxectivo global das xornadas é concienciar aos participantes sobre as potencialidades do monte veciñal como recursos sociais, económicos e medio ambientais, e fomentar a capacidade dos comuneiros para implantar a xestión necesaria para realizar este potencial de forma sustentable.

 
 VER TEMARIO DAS XORNADAS

11 ago 2010

Medio Rural inviste 6 millóns de euros no fomento da silvicultura nos bosques galegos

A Consellería do Medio Rural, a través da Dirección Xeral de Montes, vén de aprobar o investimento de preto de 6 millóns de euros para o fomento da silvicultura nos bosques galegos. Neste ano concédense 460 axudas para a execución de diversas accións silvícolas que mellorarán 5.503 hectáreas forestais de Galicia ao abeiro da Orde do 28 de decembro de 2009 pola que se establecen as bases e se convocan para o ano 2010 as axudas para o fomento da silvicultura en bosques do medio rural.

A meirande parte das axudas aprobadas destinaranse á realización de podas en masas de coníferas e de tratamentos silvícolas de consolidación en masas de frondosas caducifolias. Así, das 460 axudas concedidas, 171 serán para podas en 2.511 hectáreas de masas de coníferas, cun investimento total de 2.787.311 euros; e 146 para tratamentos silvícolas de consolidación en 1.522 hectáreas de masas de frondosas caducifolias, cun investimento de 1.878.627 euros.

Medio Rural destinará outros 458.817 euros á rexeneración e mellora de 514 hectáreas de soutos de castiñeiro, con 51 solicitudes aprobadas, e 604.469 euros serán para a execución de clareos en 639 hectáreas rexeneradas de coníferas, con 48 solicitudes aprobadas. A Consellería concedeu tamén 44 axudas para tratamentos silvícolas en 317 hectáreas de masas de eucalipto para obter madeira de calidade, cun investimento de 255.405 euros.

Provincias
Segundo os datos da Dirección Xeral de Montes, a provincia que máis axudas recibe é Lugo, con 229 expedientes aprobados e un investimento de 3.218.843 euros para actuar en 2.763 hectáreas. Pontevedra e A Coruña, con 87 expedientes aprobados en cada unha delas, contan cun orzamento de 852.482 euros para actuar en 865 hectáreas, e 693.852 euros que mellorarán 738 hectáreas, respectivamente. En Ourense concedéronse 57 axudas que representan un investimento de 1.219.451 euros para actuar en 1.137 hectáreas.

Mellora silvícola
A través desta iniciativa, o departamento que dirixe Samuel Juárez, promove a mellora silvícola das masas forestais, con especial atención á consolidación dos bosques de frondosas, o aumento da superficie forestal arborizada e a diminución do risco de incendios. Trátase tamén de obter montes arborizados con producións elevadas e de calidade, a prol da industria de transformación da madeira e de aproveitamentos complementarios. Ademais, a iniciativa busca promocionar a silvicultura como fonte de emprego para as persoas que viven no medio rural.

As persoas e entidades beneficiarias das axudas comprométense a manter a masa conforme as condicións de comprobación e a conservala durante cinco anos. No caso de tratamentos silvícolas en masas de eucalipto para obter madeira de calidade, para serra ou chapa, o compromiso de mantemento é dun mínimo de 25 anos. Asemade, os beneficiarios destas axudas deberán facilitarlle ao persoal adscrito á Consellería do Medio Rural as respectivas tarefas de inspección.

FONTE: NOVAS DA XUNTA

4 ago 2010

04/06/2010 Los protectores del lobo recurren el proyecto de un nuevo parque eólico en Serra do Suído

La Asociación para la Conservación y Estudio del Lobo Ibérico presentó un recurso de alzada para intentar la paralización del proyecto de instalación de un nuevo parque eólico en la Serra do Suído, en el municipio de Covelo, denominado "Bidueiros Fase II", promovido por la empresa Eurovento S.L. y autorizado por la Xunta de Galicia.
Los ecologistas afirman que la zona tiene un alto valor ecológico y es candidata para su inclusión en la Red Natura 2000, y acusan a la consellería de Medio Ambiente de permitir la tramitación "como consecuencia de la falta de criterio que se esta produciendo en la comunidad gallega en la adjudicación de los emplazamientos de los parques donde parece obviarse el impacto medioambiental que suponen estas infraestructuras", afirma Miguel Mosquera, miembro de la Asociación para el Estudio y Conservación del Lobo Ibérico.
La entidad recuerda que la Serra do Suído alberga varias especies protegidas a nivel autonómico que figuran como vulnerables en el catálogo gallego de especies amenazadas y otras están consideradas de Interés Comunitario de acuerdo con la directiva europea relativa a la conservación de los hábitats naturales y de la fauna y flora silvestres y de la directiva relativa a las aves silvestres.
"Cabe señalar que en dicho espacio natural encontramos una de las principales áreas de aves rapaces de nuestra Comunidad y una notable población de lobo ibérico", dice, y recuerda que de implantarse más aerogeneradores en la Serra do Suído, "esta fauna sufriría una notable pérdida de hábitat comprometiendo a largo plazo el estado de sus poblaciones locales".

26 jul 2010

Medio Rural apoia a identificación do gando equino con axudas á instalación de microchips e persoal técnico cualificado

O conselleiro do Medio Rural, Samuel Juárez, acompañado polo director xeral de Produción Agropecuaria, José Álvarez Robledo, acudiron ao Pazo de Quián en Sergude, no concello coruñés de Boqueixón, para a presentación do sistema de identificación equina e a sinatura dun convenio sobre o mesmo.

A tal efecto, a Consellería do Medio Rural e o Consello Galego de Colexios Veterinarios asinaron un convenio para a identificación de gando equino, convenio que rubricaron o propio conselleiro Samuel Juárez, e o presidente do devandito Consello, José Eugenio Rey. No acto tamén estivo presente o director do Centro de Formación e Experimentación Agroforestal de Sergude, Jesús Ortega. O acordo entre Medio Rural e o Colexio de Veterinarios establece pautas de colaboración en materia de identificación equina.

Para dar mostra disto procedeuse á identificación equina completa in situ, no Centro de referencia de Razas Equinas de Galicia, sobre un exemplar coa correspondente explicación técnica sobre este sistema. Un dos obxectivos que ven perseguindo Medio Rural durante o primeiro ano desta lexislatura é a identificación deste tipo de gando, principalmente os cabalos de monte, polos problemas que estes poden ocasionar ao non estar identificados, o que impide localizar e sancionar aos seus propietarios por prácticas indebidas.

Axudas
Por iso, a Consellería do Medio Rural estipula necesario que cada cabalo dispoña dun microchip e unha marca visual, que pode consistir nun botón auricular ou nun brazalete colocado nas patas dianteiras. No caso do dispositivo electrónico a Consellería habilitou o pasado mes de abril unha liña de axudas para compensar os gastos derivados da obriga legal de identificar o gando. O importe da axuda estimouse nun custo máximo por animal identificado de 40 euros (IVE incluído) e o orzamento total destas axudas –que están cofinanciadas polo fondo comunitario Feader, o Ministerio de Medio Ambiente e Medio Rural e Mariño e a Xunta– ascende a 100.000 euros.

Mediante estas medidas a Consellería quere contribuír á ordenación do sector equino en Galicia, de especial dificultade pola existencia dun importante número de cabalos mantidos no monte en réxime de liberdade ou semiliberdade.

Normativa vixente

A normativa vixente obriga a identificación dos équidos de crianza e rendemento por parte dos seus propietarios antes de que transcorran seis meses dende o nacemento do animal ou antes do 31 de decembro do ano do seu nacemento; coa excepción daqueles animais mantidos en explotacións extensivas en liberdade que poderán ser identificados antes de que cumpran os 18 meses.

O sistema de identificación efectuarase mediante a aplicación dun transpondedor ou microchip sobre o animal que será posto polo persoal facultativo veterinario autorizado pola Consellería, con previa proposta do Colexio de Veterinarios. O Colexio de Veterinarios xestionará a adquisición dos transpondedores electrónicos homologados por Medio Rural.

Rexistro
Deste xeito, créase o Rexistro Galego de Explotacións Equinas no que se manexarán datos como a especie, sexo e raza do animal, país de nacemento, aptitude para o consumo humano e o nome e enderezo do seu titular, entre outros. 

FONTE: CONSELLERIA DO MEDIO RURAL

3 jun 2010

O DOG publica a orde pola que se determina a época de perigo alto de incendios forestais entre o 1 de xullo e o 30 de setembro

Diario Oficial de Galicia (DOG) publica hoxe 3 de xuño de 2010 a Orde da Consellería do Medio Rural pola que se determina a época de perigo alto de incendios. Mediante esta norma, para este ano 2010 declárase o período comprendido entre o 1 de xullo e o 30 de setembro como de perigo alto de lumes forestais.

Ao mesmo tempo, a Orde faculta tamén ao director xeral de Montes para ditar cantas instrucións sexan precisas para modificar estas datas e declarar como perigo alto outras épocas do ano, cando as condicións meteorolóxicas ou outras circunstancias agraven o risco de incendios.

Lei de prevención
A publicación desta Orde no DOG faise efectiva de acordo co establecido polo artigo 9 da Lei 3/2007, de 9 de abril, de prevención e defensa contra os incendios forestais de Galicia, que establece que, en consideración aos antecedentes e datos históricos sobre o risco de aparición de incendios e sobre a incidencia das variables meteorolóxicas no comportamento do lume, a consellería con competencias en materia forestal definirá a época de perigo alto que condicionará a intensidade das medidas que se vaian adoptar para a defensa do territorio de Galicia.

FONTE: NOVAS DA XUNTA

13 may 2010

ASAMBLEA XERAL ORDINARIA DA COMUNIDADE DE MONTES DE PARADA DE ACHAS

A Comunidade de Montes de Parada de Achas, celebrará a súa Asamblea anual, o día 30 de Mayo de 2010, no Teleclub de Folgoso (A Cañiza), en 1ª convocatoria ás 14:30 horas e 2ª Convocatoria ás 16:30 horas.

(PARA VELA ORDE DO DÍA)

21 abr 2010

APERTURA DA CONVOCATORIA DE AXUDAS DO PROGRAMA LEADER 2007-2013 DO GDR 17 CONDADO PARADANTA

Dende o 24 de Marzo do presente ano, tivo entrada no rexistro de  Grupo de Desenvolvemento Rural Condado-Paradanta a autorización da apertura da convocatoria de axudas do Programa LEADER, por parte de AGADER.

O prazo de presentación de solicitudes por parte de promotores privados e públicos rematará o 1 de setembro do 2013. As solicitudes presentaranse nas oficinas do Grupo, sitas no CENTRO COMARCAL A PARADANTA, R/ Silleda, s/n - A CAÑIZA (PONTEVEDRA).

As principais liñas de axuda do Programa son a dinamización do sector agrario e forestal, a mellora medioambiental e do contorno rural e a diversificación da economía rural e mellora da calidade de vida.

O territorio de actuación do Grupo está formado polos concellos de: Arbo, A Cañiza, Covelo, Crecente, Mondariz, Mondariz Balneario, As Neves, Ponteareas, Salvaterra de Miño e Salceda de Caselas.

Os detalles do Programa, atópanse na páxina web de AGADER (agader.xunta.es/EixoLeader.do)

20 abr 2010

Convocadas as subvencións a comunidades de montes veciñais en man común para a prevención de incendios forestais

O Diario Oficial de Galicia (DOG) publica hoxe 12/04/2010 unha Orde da Consellería do Medio Rural pola que se establecen as bases reguladoras para a concesión de subvencións para a prevención e defensa contra os incendios forestais en comunidades de montes veciñais en man común e se convocan para o ano 2010.

Esta norma ten por obxecto establecer as bases reguladoras da concesión destas subvencións para a posta en marcha de actuacións preventivas previstas na lexislación galega sobre incendios forestais. Trataríase de traballos de silvicultura preventiva que buscan minorar as consecuencias e os impactos negativos que os lumes poidan provocar sobre a capacidade potencial de desenvolvemento e produción destes montes, de grande importancia na nosa Comunidade, xa que supoñen aproximadamente un terzo da superficie forestal existente.

Nesta Orde establécense dúas liñas de subvención: Para o control selectivo de combustible e para a construción de puntos de auga. A superficie forestal mínima por expediente será de 250 hectáreas, pero se contempla a posibilidade de que as comunidades de montes formen agrupacións para acadala.

Condicións
Os interesados solicitarán as subvencións baixo determinadas condicións, entre elas a de presentar a solicitude e o resto da documentación antes de comezar as obras, mercar os equipamentos ou iniciar as construcións.

As solicitudes presentaranse preferentemente nos servizos de Prevención e Defensa contra os Incendios Forestais dos departamentos territoriais da Consellería do Medio Rural. O prazo será de un mes contado a partir de mañá, día seguinte á publicación desta Orde no DOG. O orzamento previsto para financiar estas subvencións é de 2.400.000 euros, podendo ampliarse o crédito dispoñible chegado o caso.

Actividades
Entre as actividades subvencionables figuran as relativas ao control selectivo do combustible en áreas cortalumes e faixas auxiliares de pista, co fin de reducir a carga de combustible presente no monte e crear zonas de descontinuidade. Tamén a construción de puntos de auga, que se localizarán en zonas estratéxicas para a defensa dos núcleos de poboación e das masas forestais e que deberán cumprir unha serie de condicións canto a dimensións mínimas, peche perimetral de seguridade, acceso ou caudal. (VER TEXTO COMPLETO DA ORDE)

13 abr 2010

O DOG publica a orde de Medio Rural que regula as axudas para a identificación do gando equino

Santiago, 12 de abril de 2010.- O Diario Oficial de Galicia (DOG) publica hoxe unha Orde da Consellería do Medio Rural pola que se establecen as bases reguladoras das axudas á identificación do gando equino e se convocan para o ano 2010.

A normativa comunitaria e estatal establece que os titulares das explotacións gandeiras equinas teñen que identificar os animais e comunicar ás autoridades competentes os movementos do gando que se produzan na súa explotación mediante xustificación documental ou por medios informáticos. Con esta medida quérese contribuír á ordenación do sector equino en Galicia, de especial dificultade pola existencia dun importante número de cabalos mantidos no monte en réxime de liberdade ou semiliberdade.

As axudas que se convocan hoxe no DOG teñen por obxecto compensar os gastos derivados desa obriga legal de identificar o gando. O prazo de presentación de solicitudes será de un mes contado a partir de mañá, día seguinte ao da publicación.

Para a determinación do importe da axuda estimarase un custo máximo por animal identificado de 40 euros (IVE incluído). A axuda consistirá nun importe anual a tanto global, temporal e decrecente. Así, o importe será do 90% dos custos no primeiro ano de xestión da axuda, decrecendo ao 75%, 60% e 40% cada un dos anos seguintes ata a desaparición completa da mesma. A contía máxima poderá acadar os 10.000 euros por explotación ata o ano 2013.

Orzamento
Para 2010 o orzamento destas axudas –que están cofinanciadas polo fondo comunitario Feader, o Ministerio de Medio Ambiente e Medio Rural e Mariño e a Xunta– ascende a un total de 100.000 euros. O presuposto poderá incrementarse con fondos adicionais, comunitarios, estatais e da Comunidade Autónoma.

30 mar 2010

Medio Rural publica no DOG unha orde sobre as medidas de identificación e rexistro de cabalos

O Diario Oficial de Galicia (DOG) do 30 de marzo de 2010 publica unha Orde da Consellería do Medio Rural pola que se ditan as disposicións particulares de execución do sistema de identificación e rexistro dos cabalos na nosa Comunidade Autónoma.

O sistema de identificación constará dos seguintes elementos: Un documento de identificación individual, permanente e único para cada equino; transpondedores de aplicación parenteral que permitan o establecemento dun vínculo inequívoco entre o documento de identificación e o animal e unha base de datos informatizada onde se rexistre a información sobre o cabalo, con datos básicos entre os que figurarán, entre outros, un número permanente e único; a especie, sexo e raza; o país e data de nacemento; o nome e referencias do titular do exemplar en cuestión. Así mesmo, nesta base figurará o Código da explotación de nacemento (Rega) do animal. Este sistema baséase na actuación de veterinarios de exercicio libre autorizados a tal fin pola Consellería do Medio Rural (VER TEXTO)

Axudas
O DOG publica tamén outra Orde de Medio Rural pola que se establecen as bases reguladoras das axudas destinadas ao sector equino para o seu fomento e desenvolvemento no ámbito da nosa Comunidade Autónoma. Con carácter inmediato vaise publicar ademais outra norma coas bases das axudas específicas á identificación do gando equino, e a súa convocatoria para 2010, referidas exclusivamente aos cabalos explotados en réxime de liberdade.

22 mar 2010

PEFC estrena nueva web

PEFC España pone a disposición del público su nueva dirección www.pefc.es que ofrece información completa sobre el sistema líder en certificación forestal en España y en el mundo.   

Entre otras funciones, la web incluye orientación técnica sobre el proceso de la certificación, tanto de Gestión Forestal Sostenible como de Cadena de Custodia (normas, modalidades, entidades auditoras, productos que se pueden certificar, etc). El usuario podrá encontrar datos actualizados periódicamente sobre certificación, tanto de territorio como de industria.  En la actualidad, en España hay 1.157.008 has. con certificado PEFC, un total de 1.120 gestores forestales y 456 empresas con un certificado en Cadena de Custodia. El usuario dispone de la posibilidad de consultar on-line un listado de propietarios y gestores forestales, y de empresas, cuyos montes y productos disponen de certificado y licencia de uso del logo PEFC.   

Según la Secretaria General de PEFC España, Ana Belén Noriega, "queremos que a través de nuestra web tanto el sector forestal como los ciudadanos conozcan las ventajas de la certificación y los  beneficios sociales, económicos y medioambientales de la gestión forestal sostenible; pero también queremos que sea un lugar de encuentro para propietarios de monte, industria, grandes empresas e instituciones, un instrumento útil para mejorar la competitividad y ligar la actividad económica al  recurso monte".   

La web consta de otros apartados dedicados a la compra responsable y la certificación como herramienta de Responsabilidad Social Corporativa, documentación, actualidad y proyectos que PEFC España está desarrollando: "Ecoinnovación forestal" y "El futuro de los bosques está en tus manos". Asimismo, los visitantes podrán obtener información sobre eventos y jornadas organizadas por PEFC y por otros actores del sector forestal, y conocer la presencia de PEFC en medios audiovisuales y redes sociales, destacando como novedad el portal de videos de PEFC creado en youtube.   

Además, la web también recoge información sobre PEFC Internacional: países miembros y sistemas nacionales, estadísticas de certificación a nivel mundial, eventos y noticias de la organización a nivel mundial, etc. 

9 ene 2010

Axudas para a realización de traballos silvícolas

Entre o 7 de xaneiro e o 6 de febreiro estará aberto o prazo para solicitar as axudas para o fomento da silvicultura en bosques no medio rural. Poderán ser beneficiarios destas axudas, os propietarios particulares, as agrupacións dos ditos propietarios, as cooperativas agrarias, os proindivisos, as comunidades de bens, as entidades locais, outras persoas con personalidade xurídica e as comunidades de montes veciñais en man común. Non poderán ser beneficiarias as persoas físicas ou xurídicas que non sexan propietarias dos terreos obxecto de axuda. Non se admite a cesión por parte do propietario do terreo a un terceiro.  Os importes de subvención corresponderanse, como máximo, co 60% do valor máximo de investimento no caso de traballos silvícolas en zonas desfavorecidas e co 50% do valor máximo de investimento no resto dos casos.

Actuacións obxecto de axuda

  • Rareos en masas de coníferas con diámetro normal medio da masa inferior a 12 cm.
  • Rozas previas ás podas, e podas en masas de coníferas.
  • Tratamentos silvícolas en masas de frondosas caducifolias, sobreiras e aciñeiras con diámetro normal medio da masa comprendido entre os 10 e os 20 cm. (Consideraranse como tales aquelas cun mínimo dun 80% de superficie ocupada por frondosas caducifolias, sobreiras e aciñeiras e cunha densidade mínima destas de 400 pés/ha).
  • Rexeneración e/ou mellora de soutos de castiñeiros cunha densidade mínima de 100 pés/ha.
  • Tratamentos silvícolas en masas de eucalipto co obxectivo de obter madeira de calidade para serra ou chapa, en quenda de 25-30 anos.

Subvencionaranse os honorarios de redacción de proxecto, logo de solicitude, segundo o tope por hectárea indicado no anexo V de traballos, e só naqueles casos onde é obrigatoria a súa presentación.

Non se poderán solicitar as mesmas actuacións sobre superficies xa subvencionadas nas convocatorias de axudas dos anos 2001, 2002, 2003, 2004, 2005, 2006, 2007 e 2008.

O IVE non é subvencionable.

Superficies forestais mínimas e máximas para solicitar axudas

a) Superficie mínima 
Para montes veciñais en man común, con superficie total clasificada inferior ou igual a 50 ha, a superficie mínima de actuación por solicitude será de 3 ha nun couto redondo. A continuidade superficial do couto redondo non se verá interrompida pola existencia de barreiras naturais ou artificiais.
Para montes veciñais en man común con superficie total clasificada superior a 50 ha, a superficie mínima de actuación por solicitude será de 10 ha nun couto redondo. A continuidade superficial do couto redondo non se verá interrompida pola existencia de barreiras naturais ou artificiais.
Para agrupacións de propietarios particulares, entidades locais, cooperativas agrícolas, proindivisos, comunidades de bens e outras persoas xurídicas, a superficie mínima de actuación por solicitude será de 3 ha nun couto redondo, non admitíndose máis dun couto redondo. A continuidade superficial do couto redondo non se verá interrompida pola existencia de barreiras naturais ou artificiais.
Para propietarios particulares de xeito individual: a superficie de actuación mínima por solicitude será de 1 ha nun couto redondo, non admitíndose máis dun couto redondo. A continuidade superficial do couto redondo non se verá interrompida pola existencia de barreiras naturais ou artificiais.

b) Superficie máxima 
Para agrupacións de propietarios particulares, cooperativas agrícolas, proindivisos, entidades locais, comunidades de bens e outras persoas xurídicas: a superficie máxima de actuación por solicitude será de 25 ha nun só couto redondo.
Para propietarios particulares de xeito individual: a superficie de actuación máxima por solicitude será de 15 ha nun só couto redondo.
Para comunidades de montes veciñais en man común: a superficie de actuación máxima por solicitude será de 50 ha, admitíndose máis dun couto redondo sempre e cando cada un deles supere a superficie mínima de 3 ha para comunidades de montes veciñais en man común con superficie total clasificada inferior ou igual a 50 ha e de 10 ha para comunidades de montes veciñais en man común con superficie total clasificada superior a 50 ha.

Os traballos obxecto da solicitude non poderán iniciarse antes da aprobación da axuda.

O TEMPO NOS NOSOS MONTES: